പാലാ: സഭയും സമൂഹവും നേരിടുന്ന സാമുദായിക വിഷയങ്ങള് പരിഹരിക്കപ്പെടാന് പരസ്പര കേള്വിയും തുറന്ന സംവാദവും അനിവാര്യമാണെന്ന് മാര് ജോസഫ് കല്ലറങ്ങാട്ട്. ചൂണ്ടച്ചേരി സെന്റ് ജോസഫ് എന്ജിനിയറിംഗ് കോളജില് നടന്ന പാലാ രൂപത പതിനാലാം പാസ്റ്ററല് കൗണ്സിലിന്റെ രണ്ടാം സമ്മേളനത്തില് പ്രസംഗിക്കുകയായിരുന്നു ബിഷപ്.
സമുദായ ശക്തീകരണ പ്രവര്ത്തനങ്ങള് ഊര്ജിതമാക്കുന്നതിനായി പങ്കാളിത്ത സഭയുടെ ആത്മാവോടെ മുന്നേറേണ്ടതിന്റെ ആവശ്യകതയും ബിഷപ് പറഞ്ഞു.
സീറോമലബാര് സഭ ഈ വര്ഷം സമുദായ ശക്തീകരണ വര്ഷമായി ആചരിക്കുന്ന പശ്ചാത്തലത്തില് സമുദായ ശക്തീകരണം എന്ന കേന്ദ്രവിഷയത്തെ ആസ്പദമാക്കി 18 ഉപവിഷയങ്ങളില് ഗ്രൂപ്പ് ചര്ച്ചകള്, പ്ലീനറി സെഷനുകള്, വിഷയാവതരണങ്ങള് എന്നിവ നടത്തി.മോഡറേറ്റര് മോണ്. സെബാസ്റ്റ്യന് വേത്താനത്തിന്റെ നേതൃത്വത്തിലാണ് ചര്ച്ചകള് ക്രമീകരിച്ചത്.
അവസാനമായി നടന്ന പൊതുചര്ച്ചയില് അംഗങ്ങള് ഉന്നയിച്ച സഭാ-സാമൂഹ്യ-സാമുദായിക വിഷയങ്ങള് ഈ കാലഘട്ടത്തില് ഏറെ പ്രസക്തമാണെന്നും അവയ്ക്ക് ദീര്ഘകാലവും പ്രായോഗികവുമായ പരിഹാരങ്ങള് കണ്ടെത്തുന്നതിനായി തുടര്കാലയളവില് കൂരിയയുടെ നേതൃത്വത്തില് വിവിധ പ്രവര്ത്തന പദ്ധതികള് രൂപപ്പെടുത്തുമെന്നും ബിഷപ് അറിയിച്ചു.
പാസ്റ്ററല് കൗണ്സില് ചെയര്മാനും ചൂണ്ടച്ചേരി സെന്റ് ജോസഫ് എന്ജിനിയറിംഗ് കോളജ് പ്രിന്സിപ്പലുമായ ഡോ. വി.പി. ദേവസ്യ വള്ളിക്കാവുങ്കല്, മുഖ്യ വികാരി ജനറാള് മോണ്. ജോസഫ് തടത്തില്, പാസ്റ്ററല് കൗണ്സില് സെക്രട്ടറി അഡ്വ. സിജി ആന്റണി തെക്കേടത്ത് എന്നിവര് പ്രസംഗിച്ചു.
Deepika
E-paper LOGIN
LOGIN